Milli Məclisin NATO Parlament Assambleyasındakı nümayəndə heyətinin rəhbəri Ramid Namazov Assambleyanın 70-ci illik sessiyasında iştirak etmək üçün noyabrın 22-də Kanadanın Monreal şəhərinə səfər edəcək.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki, sessiya çərçivəsində “NATO-nun inkişaf edən hava və raket hücumundan müdafiə durumu”, “Qərbi Balkanlar: NATO-nun astanasında yeni təhlükəsizlik çağırışları” və digər mövzularda müzakirələr aparılacaq.

Deputat səfər müddətində sessiyada iştirak edən nümayəndə heyətlərinin rəhbərləri ilə bir sıra görüşləri də nəzərdə tutulub.

Qeyd edək ki, səfər noyabrın 28-də başa çatacaq.

Oxşar xəbərlər

Milli Məclisin deputatı ATƏT-in konfransında iştirak edəcək

Milli Məclisin sədri İsveçrədə işgüzar səfərdədir

Sahibə Qafarova Rusiyaya işgüzar səfərə gedib

Milli Məclisin komitə sədri Moldovada seçkiləri müşahidə edəcək

Milli Məclisin deputatları Gürcüstanda parlament seçkilərini izləyəcəklər