Azərbaycanla kənd təsərrüfatı sahəsində çox önəmli layihələrə imza atırıq və atacağıq, fəaliyyətimizin növbəti mərhələsi də olacaq.

Bunu “Report”un Ankara bürosuna açıqlamasında Türkiyənin kənd təsərrüfatı və meşə naziri İbrahim Yumaklı bildirib.

Nazir deyib ki, sentyabr ayında rəhbərlik etdiyi nümayəndə heyəti ilə Azərbaycana səfəri zamanı iki ölkənin kənd təsərrüfatının inkişafı ilə bağlı mühüm müzakirələr aparılıb və heyvandarlıq sahəsinin inkişafı ilə əlaqədar niyyət bəyannaməsi imzalayıblar:

“Əməkdaşlığımızın növbəti mərhələsi də olacaq. Azərbaycanla kənd təsərrüfatında çox mühüm işlərə imza atacağımızı düşünürəm”.

İbrahim Yumaklı meşə və kənd təsərrüfatının təkcə iki ölkə arasında deyil, bütün türk dövlətlərində də inkişafı üçün fəaliyyətlərini əsirgəməyəcəklərini bildirib:

“Məqsədimiz Türkiyə təcrübəsinin öyrənilməsi üçün hər cür şərait yaratmaq, eləcə də qarşılıqlı təcrübə mübadiləsinin bütün türk dövlətlərində formalaşmasını təmin etməkdir”.

Oxşar xəbərlər

Türkiyəli nazir: ”Bu il Azərbaycana 9 milyon doza dabaq peyvəndi ixrac etmişik”

Azərbaycan Belarusla birlikdə Ağdamda aqroşəhərcik yaradacaq

Nazir: "COP29-da iqlimə uyğun kənd təsərrüfatı mövzusuna xüsusi toxunulacaq"

Kəmaləddin Heydərov Türkiyənin kənd təsərrüfatı və meşəçilik naziri ilə görüşüb - VİDEO

FAO: Azərbaycana kənd təsərrüfatının davamlı inkişafı üçün platforma lazımdır