Ukrayna Kiyevə minatəmizləmə maşını təqdim edən Azərbaycana minnətdardır.

“Report” xəbər verir ki, bunu Ukraynanın Bakıdakı səfiri Yuri Qusev ölkə KİV-inə müsahibəsində bildirib.

"Biz hazırda Ukraynanın bəzi bölgələrini minalardan təmizləyən “Revival-P” minatəmizləmə maşınına görə Azərbaycana minnətdarıq. Mütəxəssislərin rəylərinə görə, o, səmərəli işləyir", - Y.Qusev deyib.

O vurğulayıb ki, bu maşın Sumı və Xarkov vilayətlərində minatəmizləmə fəaliyyətində istifadə olunur.

Diplomat qeyd edib ki, Kiyev Ukraynanın Fövqəladə Hallar üzrə Dövlət Xidməti ilə Azərbaycan Minatəmizləmə Agentliyi (ANAMA) arasında əməkdaşlığın dərinləşdirilməsi istiqamətində fəal iş aparır.

Y.Qusev vurğulayıb ki, Azərbaycanın malik olduğu təcrübə əvəzolunmazdır, çünki həm Ukraynada, həm də Azərbaycanda istehkamçıların mübarizə apardığı minalar eynidir.

Oxşar xəbərlər

Ukrayna səfiri: Azərbaycanla minatəmizləmə sahəsində tərəfdaşlığın dərinləşməsi üzrə növbəti addımları müəyyən etdik

Yuri Qusev: Kiyev və Bakı neft-qaz sahəsində əməkdaşlığın dərinləşdirilməsini müzakirə edirlər

Səfir: Ukrayna Azərbaycanın göstərdiyi yardımı unutmayacaq

Səfir: Ukrayna müntəzəm humanitar yardıma görə Azərbaycana minnətdardır

Yuri Qusev: Üç il ərzində Azərbaycanda 273 ukraynalı uşaq reabilitasiyadan keçib