Baş konsul: Türkiyə FETÖ ilə mübarizəni qətiyyətlə davam etdirir

Türkiyə dövləti FETÖ terror təşkilatına qarşı mübarizəsini qətiyyətlə davam etdirir.

"Sizinxeber.az"un yerli bürosu xəbər verir ki, bunu 15 iyul 2016-cı ildə dövlət çevrilişinə cəhdin növbəti ildönümü ilə bağlı jurnalistlərə müsahibəsində Türkiyənin Naxçıvanda baş konsulu Asip Kaya deyib.

O qeyd edib ki, bu günə qədər böyük yol qət olunub, təşkilatın beynəlxalq bağlantıları və ona bağlı şirkətlər ifşa edilib:

“Bu mübarizədə dost ölkələr də bizə dəstək göstərdi. Xüsusilə Azərbaycana təşəkkür edirik. Çevriliş cəhdinin başladığı andan etibarən qardaş Azərbaycan türk xalqının yanında oldu. Tarixi qardaşlıq çərçivəsində gözəl bir həmrəylik nümayiş etdirildi”.