Mətbuat sahəsində xüsusi xidmətləri olan, həmçinin media qanunvericiliyinin təkmilləşdirilməsinə xidmət edən şəxslərə milli mətbuatın 150 illik yubileyi ilə əlaqədar medal veriləcək.

"Sizinxeber.az" xəbər verir ki, bununla bağlı Milli Məclisin yaz sessiyasının bu gün keçirilən ilk iclasında “Azərbaycan milli mətbuatının 150 illiyi (1875-2025)” yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” qanuna dəyişiklik layihəsi müzakirə edilib.

Layihəyə əsasən, Azərbaycan milli mətbuatının 150 illiyi (1875-2025)" yubiley medalı ilə media sahəsinin inkişafında xüsusi xidmətləri olan, bu sahədə səmərəl fəaliyyət göstərən və ya media ilə əməkdaşlıqda fərqlənən Azərbaycan vətəndaşları, əcnəbilər və vətəndaşlığı olmayan şəxslər təltif ediləcəklər.

Qanun layihəsi müzakirələrdən sonra bir oxunuşda qəbul edilib.

Oxşar xəbərlər

“Azərbaycan milli mətbuatının 150 illiyi (1875-2025)” yubiley medalı təsis ediləcək

Azərbaycan milli mətbuatının 150 illiyi ilə bağlı yubiley medalı əcnəbilərə də verilə bilər

Milli Məclisin yaz sessiyası çərçivəsində ilk iclasının gündəliyi açıqlanıb

Ləğv edilən sığortaçıya dair yeni tələblər qoyulur

Milli Məclisin iclası başlayıb, gündəlikdə 16 məsələ var