İki komissiya üzvü ilə yetkinlik yaşına çatmayanların problemlərini həll etmək çətindir.

“Report” xəbər verir ki, bunu Milli Məclisin deputatı Tamam Cəfərova parlamentin Ailə, qadın və uşaq məsələləri komitəsinin bugünkü iclasında deyib.

Onun sözlərinə görə, yetkinlik yaşına çatmayanların işləri və hüquqlarının müdafiəsi üzrə komissiyalarda ştat sayının artırılması və komissiyanın fəaliyyətinə katibliyin nəzarət etməsi bu sahədə çatışmazlığı aradan qaldırmağa kömək edəcək.

Qeyd edək ki, “Yetkinlik yaşına çatmayanların işləri və hüquqlarının müdafiəsi üzrə komissiyalar haqqında Əsasnamənin təsdiq edilməsi barədə” qanuna təklif edilən dəyişikliyə əsasən, komissiyalar müvafiq icra hakimiyyəti orqanları yanında həmin orqanlar tərəfindən 9-11 nəfərdən ibarət tərkibdə yaradılır.

Oxşar xəbərlər

Yetkinlik yaşına çatmayanlarla bağlı komissiyalarda sosial pedaqoqların təmsil olunması təklif edilir

Komitə sədri: Yetkinlik yaşına çatmayanların işləri ilə bağlı təkliflər hazırlanıb

Yetkinlik yaşına çatmayanların işləri və hüquqlarının müdafiəsi üzrə komissiyaların təşkilinə dair müddəalar təkmilləşdirilir