Rusiya həm COP29, həm də konfrans çərçivəsində keçiriləcək parlament konfransında yüksək səviyyədə iştirak edəcək.

"Sizinxeber.az" xəbər verir ki, bunu Rusiyanın Azərbaycandakı səfiri Mixail Yevdokimov Milli Məclisin sədri Sahibə Qafarova ilə görüşündə deyib.

Görüşdə COP29-a hazırlıqla bağlı görülən işlər müzakirə edilib. Bu mühüm beynəlxalq tədbirin siyasiləşdirilməsi cəhdlərinin yolverilməz olduğu qeyd edilib. Azərbaycanın qlobal problemlərin həllinə töhfələri yüksək qiymətləndirilib.

Söhbət zamanı həmçinin Avropa Parlamentinin Azərbaycanla bağlı qəbul etdiyi qərəzli sənədlər və təşkilatın anti-Azərbaycan fəaliyyəti tənqid edilib. Milli Məclisin sədri Sahibə Qafarova deyib ki, AP-nin bu addımları parlamentarizm ruhuna uyğun deyil və ölkəmiz Avropa Parlamentinin reallıqları təhrif edən, qeyri-obyektiv və birtərəfli qətnamələrini qəti şəkildə rədd edir. O, parlamentlər arasında əlaqələrdə obyektiv fikirlərin, dialoqun əhəmiyyətini qeyd edib.

Oxşar xəbərlər

MM sədri Rusiyanın ölkəmizdəki səfiri ilə görüşüb

Milli Məclis Avropa Parlamentinin qərəzli qətnaməsinə cavab bəyanatını müzakirə edir

Qafarova Gürcüstan parlamentinin sədri ilə görüşdü

Sahibə Qafarova: Avropa Parlamenti COP29 kimi beynəlxalq tədbirdən Azərbaycana qarşı istifadə edir

YAP-ın Milli Məclisin sədri postuna namizədi Sahibə Qafarova olub