Ərdoğan: Dinləyəcəyimiz mahnılarda Qarabağın azad torpaqlarının səsi var

Qarabağın azadlığı ilə birlikdə bu torpaqlarda yüksələn hər bir not sadəcə bir Zəfərin deyil, bir millətin yenidən dirçəlməsinin səsidir.

Sizinxeber.az-nın Laçına ezam olunmuş əməkdaşı xəbər verir ki, bunu Türkiyə Prezidenti Rəcəb Tayyib Ərdoğan Azərbaycan, Türkiyə və Pakistan liderlərinin iştirakı ilə Laçın şəhərində 28 May – Müstəqillik Gününə həsr edilmiş konsertdən əvvəl çıxışı zamanı deyib.

Türkiyə Prezidenti bildirib ki, bir azdan dinləyəcəyimiz mahnılarda Qarabağın azad torpaqlarının səsi var, Şuşanın daşında yanğılanan azadlığın, Laçının vadisində böyüyən ümidin, Gəncə və Bakıda yaşıllaşan millət iradəsinin təzahürü var: “Səsləndirilən hər nəğmədə bədəli canla və qəhrəman şəhidlərimizin mübarək qanları ilə ödənmiş Zəfərin ruhu var”.