Azərbaycanda I Türkoloji Qurultayın 100 illiyi qeyd ediləcək.

“Report”un məlumatına görə, bu barədə Azərbaycan Milli Elmlər Akademiyasının (AMEA) prezidenti İsa Həbibbəyli deyib.

O qeyd edib ki, tədbirin 2026-cı il fevral ayının 26-da AMEA-nın Rəyasət Heyətinin inzibati binasında keçirilməsi planlaşdırılıb.

Məlumat üçün bildirək ki, I Türkoloji Qurultay - 1926-cı ilin 26 fevral-6 mart tarixlərində Bakı şəhərində keçirilib. Tədbir zamanı SSRİ ərazisində yaşayan türk xalqlarının tarixi, ədəbiyyatı, dili, əlifbası, etnoqrafiyası və mədəniyyəti ilə bağlı yaxın gələcək üçün düşünülmüş bir sıra mühüm və əhəmiyyətli qərarlar qəbul edilib.

Qurultayda latın qrafikalı əlifbaya keçidin elmi-metodik prinsipləri ətraflı şəkildə işlənib hazırlanıb. Qəbul edilən qərara əsaslanaraq 1929-cu il yanvarın 1-dən Sovet hökuməti ərəb əlifbasının istifadəsinə qadağa qoydu. RSFSR tərkibində olan türk xalqları yeni türk əlifbasından istifadəyə başladılar.

Oxşar xəbərlər

COP29 günlərində AMEA-da işə davamiyyətin tənzimlənməsi üçün İşçi qrup yaradılıb

Musa Qasımlı AMEA-nın Qafqazşünaslıq İnstitutunun direktoru vəzifədən azad edilib

AMEA-nın 2025-2030-cu illər üzrə inkişaf konsepsiyası və yol xəritəsi hazırlanacaq

AMEA prezidenti: Azərbaycanda iqlim dəyişmələri ilə bağlı yeni elm sahələri, tədqiqat istiqamətləri yaranıb

Bu gün Azərbaycan Əlifbası və Dili Günüdür