30 yaşımda çıxdığım Şuşama 65 yaşımda qayıdıram.

"Report" xəbər verir ki, bunu Şuşa şəhərinə köç edən sabiq məcburi köçkün Gültəkin Kərimova söyləyib.

O qeyd edib ki, bu gün sevinc hissi kədər hissinə qarışıb:

"Mən Şuşada müəllim işləmişəm. Məcburi köçkün həyatımızı Bakıda Bilgəh qəsəbəsində yerləşən pansionatda yaşamışıq.

Sevinirəm ki, öz doğma yurduma qayıdıram, kədərlənirəm ki, bu illər ərzində doğmalarımızı itirdik, şəhidlər verdik. Şuşanı görmək arzusu ilə doğmalarımız həyatdan köçdülər.

Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!"

Qeyd edək ki, bu gün növbəti köç karvanı Şuşa şəhərinə yola salınır. Bu mərhələdə daha 30 ailə (102 nəfər) öz doğma yurduna köçürülür.

Xatırladaq ki, indiyədək Şuşa şəhərində 177 ailənin (672 nəfərin) daimi məskunlaşması təmin edilib.

Oxşar xəbərlər

Keçmiş məcburi köçkün: "30 yaşında çıxdığım Şuşama 65 yaşında qayıdıram" [xfgiven_updateblue][/xfgiven_updateblue]

Şuşa sakini: “Çox sevinirik ki, artıq bizə məcburi köçkün deyilməyəcək” [xfgiven_updateblue][/xfgiven_updateblue]

Rasim Həsənov: “Pedaqoji fəaliyyətimi Füzulidə davam etdirmək istəyirəm” [xfgiven_updateblue][/xfgiven_updateblue]

Şuşa sakini: 32 ildən sonra yurdumuza qayıtmağımıza sevinirik [xfgiven_updateblue][/xfgiven_updateblue]

Keçmiş məcburi köçkün: Təki bundan sonra övladlarımız güllə səsi eşitməsinlər [xfgiven_updateblue][/xfgiven_updateblue]