7 saylı Səbail seçki dairəsinin 3 saylı seçki məntəqəsində pozuntu halı qeydə alınmayıb, bütün işlər qanunvericiliyə uyğun təşkil olunub.

Bu barədə "Sizinxeber.az"a açıqlamasında seçki məntəqəsinin sədri Xanlar Mövsümov məlumat verib.

“Məntəqəmizdə ümumilikdə 1280 seçici qeydiyyatdadır. Yüksək fəallıq müşahidə edilir, artıq 55-dən çox seçici səs verib”, - o bildirib.

X.Mövsümov qeyd edib ki, səsvermə prosesi həm yerli, həm də beynəlxalq müşahidəçilər tərəfindən izlənilir: “Beynəlxalq müşahidəçilər səhər saat 8-dən məntəqədə monitorinq aparırlar. Onların arasında Belçika, İtaliya, Fransa və digər ölkələrdən müşahidəçilər də var. Məntəqəyə ATƏT-in, Şanxay Əməkdaşlıq Təşkilatının və s. müşahidə missiyaları da baş çəkib. Heç bir pozuntu halı qeydə alınmayıb. Bütün proses yüksək səviyyədə və qanunvericiliyə uyğun təşkil olunub”.

Oxşar xəbərlər

Dövlət Gömrük Komitəsinin sədri seçici hüququndan istifadə edib