Sentyabrın 1-də baş tutacaq Milli Məclisə seçkilərdə “exit poll” keçirmək niyyətində olan qurumların müraciətlərinə baxılıb.

"Report" xəbər verir ki, məsələ barədə Mərkəzi Seçki Komissiyasının (MSK) bu gün keçirilən iclasında MSK sədrinin müavini Rövzət Qasımov məlumat verib.

O qeyd edib ki, MSK uzun illərdir seçkilərdə “exit poll” keçirmək üçün müraciət edən təşkilatlara şərait yaradır.

R.Qasımov bildirib ki, Vətəndaşların Əmək Hüquqlarını Müdafiə Liqası "ORACLE ADVISORY GROUP" (Amerika Birləşmiş Ştatları) təşkilatı ilə, "Tərəqqi" Sosial Tədqiqatlar İctimai Birliyi isə SWG S.P.A Tədqiqatlar Şirkəti (İtaliya) ilə birlikdə seçkilərdə “exit poll” keçirmək üçün MSK-ya müraciət edib:

“Onların müraciətində və sənədlərində heç bir uyğunsuzluq, hüquq pozuntusu aşkarlanmayıb. Beləliklə, bu qurumlara “exit poll” üçün şərait yaradılması qanunauyğun hesab edilib”.

Qərar səsverməyə qoyularaq qəbul edilib.

Qeyd edək ki, qanunvericiliyə əsasən MSK tərəfindən “exit-poll” keçirmək niyyətində olan təşkilatların akkreditasiya üçün təqdim etdikləri sənədlər səsvermə gününə ən azı 20 gün qalanadək qəbul edilir. “Milli Məclisə növbədənkənar seçkilərin keçirilməsi üzrə əsas hərəkət və tədbirlərin Təqvim Planı”nda bu müddət 2024-cü il avqustun 12-dək nəzərdə tutulmuşdu.

Oxşar xəbərlər

Vlada Qalan: "Əvvəlki illərlə müqayisədə bu seçkilərdə iştirak daha yüksək idi" [xfgiven_updateblue][/xfgiven_updateblue]

“Exit-poll”: İlham Əliyev 93.9 faiz səslə liderdir [xfgiven_updateblue][/xfgiven_updateblue]

“Exit-poll”: Putin Rusiyada prezident seçkilərində 87 % səs alacaq [xfgiven_updateblue][/xfgiven_updateblue]

Parlament seçkilərində “exit-poll” keçirmək üçün sənədlərin qəbul edilməsi üçün ayrılan müddət sabah başa çatır [xfgiven_updateblue][/xfgiven_updateblue]

“Oracle Advisory Group”: "İlham Əliyev 93,9 faiz seçicinin səsini qazanıb" [xfgiven_updateblue][/xfgiven_updateblue]