Xüsusi icra məmuruna işə başlamazdan əvvəl avans veriləcək.

"Sizinxeber.az" xəbər verir ki, bu, Milli Məclisin iyulun 4-də keçiriləcək iclasının gündəliyinə daxil edilən “Xüsusi icra məmurları haqqında” yeni qanun layihəsində öz əksini tapıb.

Layihədə qeyd olunub ki, avansın məbləğini müvafiq icra hakimiyyəti orqanının müəyyən etdiyi orqan (qurum) müəyyən edəcək.

Alimentlərin tutulması, sağlamlığa vurulmuş, ailəni dolandıranın itkisi nəticəsində zərər çəkmiş şəxslərə dəymiş, cinayət nəticəsində vurulmuş ziyanın ödənilməsi tələbləri, habelə işin məhkəmə baxışında dövlət hesabına hüquqi yardım almış şəxslər istisna olmaqla, tələbkar avans məbləğini ödəmədiyi təqdirdə xüsusi icra məmuru icra icraatına başlamaqdan imtina edə biləcək.

İcra tədbirlərinin nəticəsində standart haqqın məbləğinin avansdan çox və ya az olmasından asılı olmayaraq, standart haqq borcludan tam tutulduqda avans məbləği tələbkara qaytarılacaq.

Standart haqqın məbləği avansdan çox olarsa, standart haqq borcludan qismən tutulduqda avansla cəmlənir, standart haqqın tam məbləğini keçən hissə tələbkara qaytarılır, standart haqqın borcludan tutulması mümkün olmadıqda isə avans tələbkara qaytarılmır. Standart haqqın məbləği avansdan az olarsa, standart haqq borcludan qismən tutulduqda çatışmayan məbləğ avans hesabına tamamlanır və avansdan qalan hissə tələbkara qaytarılır, standart haqqın borcludan tutulması mümkün olmadıqda isə avansla standart haqq arasındakı məbləğ fərqi tələbkara qaytarılır.

Oxşar xəbərlər

Xüsusi icra məmuru fəaliyyətə başlamazdan əvvəl öz məsuliyyətini sığortalamalı olacaq

Xüsusi icra məmurunun qəbul etdiyi qərarlar dövlət icra məmurunun qəbul etdiyi qərarlara bərabər olacaq

Xüsusi İcra Məmurlarının Reyestri yaradılacaq, qayda müəyyənləşir

Xüsusi icra məmurlarının fəaliyyətinin təşkili qaydaları müəyyənləşir

Xüsusi icra məmuru statusunun əldə edilməsinə dair qaydalar müəyyənləşir