Azərbaycanda onlarla jurnalist üçün məktəb olmuş APA Media Group yeni layihəyə başlayıb.

Şirkət APA Jurnalist Məktəbini yaradıb.

Məktəbin yaradılmasında məqsəd peşəkar, operativ, yeni media standartları ilə işləməyi bacaran jurnalist hazırlığı ilə məşğul olmaqdır.

APA Jurnalist Məktəbində 3 ay davam edəcək ilk təlimlərə qeydiyyat bu gündən başlayır. Qeydiyyat oktyabrın 30-dək davam edəcək. Qeydiyyat ödənişsizdir.

Təlimlər həftədə 3 dəfə müəyyən olunmuş proqram üzrə aparılacaq. APA Jurnalist Məktəbində ilk təlimçilər tanınmış jurnalistlər Qabil Abbasoğlu və İlqar Əlfidir.
Bundan başqa, hər həftə tanınmış jurnalistlər, blogerlər, yeni media mütəxəssisləri öz təcrübələrini təlim iştirakçıları ilə bölüşəcəklər.

Qeyd edək ki, APA Media Group Azərbaycanda online medianın ilk nümunələrini yaradan şirkətlərdəndir. Azərbaycanın onlarla tanınmış jurnalisti ilk fəaliyyətinə məhz bu şirkətdə başlayıb, yüzlərlə jurnalist bu günə qədər APA Media Groupda fəaliyyət göstərib.

Hazırda şirkətdə gənclərlə yanaşı, onlarla təcrübəli jurnalist və media mütəxəssisi çalışır. Təlimlər çərçivəsində təlim iştirakçılarına APA Media Groupda təcrübə keçmək imkanı da yaradılacaq.

Oxşar xəbərlər

Bir sıra seçki məntəqələrində saxta jurnalist vəsiqəsindən istifadə edilib, araşdırma aparılır - BİRGƏ MƏLUMAT [xfgiven_updateblue][/xfgiven_updateblue]

MEDİA: “Azadlıq Radiosu”nun mənbəyi bilinməyən qərəzli məlumatları media etikasına ziddir [xfgiven_updateblue][/xfgiven_updateblue]

Mixail Qusman: Blogerləri jurnalist saymıram [xfgiven_updateblue][/xfgiven_updateblue]

Türkiyəli məşhur jurnalist vəfat edib [xfgiven_updateblue][/xfgiven_updateblue]

Rusiya FTX daha 3 əcnəbi jurnalistə cinayət işi açıb [xfgiven_updateblue][/xfgiven_updateblue]