Mayın 12-də, saat 12:00-da Azərbaycanda lizinq fəaliyyəti ilə məşğul olan "Legion Financial" ASC-nin səhmdarlarının növbədənkənar ümumi yığıncağı keçiriləcək.

"Report" xəbər verir ki, yığıncaq Bakı şəhəri, Yasamal rayonu, Həsənbəy Zərdabi prospekti, 25A ünvanında olacaq.

Yığıncağın gündəliyinə istiqraz buraxılışı, 2025-ci ilin illik maliyyə göstəricilərinin müzakirəsi və təsdiqi məsələləri daxildir.

"Legion Financial" 2020-ci ildə yaradılıb. Onun nizamnamə kapitalı 4,13 milyon manatdır. Şirkətin səhmləri Turan İsmayılova, Ramin Süleymanlıya, Rövşən Sultanova, Böyükağa Məmmədova və Belarus vətəndaşı Kolas Konstantinə məxsusdur. T.İsmayılov həm də ləğv prosesində olan "Finoko" ASC bank olmayan kredit təşkilatının (BOKT) İdarə Heyətinin sədridir.

Oxşar xəbərlər

Azərbaycanın BOKT-ı səhmdarlarının yığıncağında kapital ilə bağlı qərar qəbul edəcək

“Bakı Sığorta”nın səhmdarlarının yığıncağı keçiriləcək

Azərbaycanın enerji müəssisəsinin səhmdarlarının yığıncağı keçiriləcək

ABB xarici bankdan pay almaq istəyir

"Gəncə Cihazqayırma Zavodu"nun səhmdarlarının yığıncağı keçiriləcək