"A-Qrup Sığorta" ASC 2025-ci ili 981 min manat xalis mənfəətlə başa vurub.

"Report" şirkətin maliyyə hesabatına istinadən xəbər verir ki, bu, 2024-cü illə müqayisədə 6,9 dəfə çoxdur.

Ötən il "A-Qrup Sığorta"nın vergiyəqədərki mənfəəti 1,197 milyon manat (əvvəlki ilə nisbətən 6,7 dəfə çox), mənfəət vergisi ödəmələri isə 216 min manat (6 dəfə çox) təşkil edib.

Bu il yanvarın 1-nə "A-Qrup Sığorta"nın aktivləri 30,44 milyon manat olub ki, bu da illik müqayisədə 9,9 % çoxdur. Hesabat dövründə şirkətin öhdəlikləri 13,6 % artaraq 15,981 milyon manata, balans kapitalı isə 6,1 % artaraq 14,459 milyon manata çatıb.

Xatırladaq ki, "A-Qroup Sığorta" 1995-ci ildə yaradılıb. Onun nizamnamə kapitalı 10,005 milyon manatdır. Əsasən tibbi sığorta üzrə ixtisaslaşmış şirkətin səhmləri 100 % Sabir Adna oğlu Adnayevə (Direktorlar Şurasının sədri) məxsusdur.

Oxşar xəbərlər

"PAŞA Sığorta" maliyyə vəziyyətini açıqlayıb

"PAŞA Həyat Sığorta" maliyyə vəziyyətini açıqlayıb

"Atəşgah Sığorta"nın xalis mənfəəti 2 dəfə azalıb

“Azəraqrartikinti”nin xalis mənfəəti 4 dəfəyə yaxın azalıb

Azərbaycana qida idxal edən şirkətin xalis mənfəəti 13%-ə yaxın azalıb