Ötən il Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") 50 ölkəyə 18,5 milyon ABŞ dolları dəyərində peyk telekommunikasiya xidmətləri ixrac edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın yanvar buraxılışında bildirilir.

Sənədə əsasən, bunlar, 2023-cü illə müqayisədə müvafiq olaraq 2 ölkə çox və 1,3 milyon ABŞ dolları (6,6 %) azdır.

2024-cü ildə “Azərkosmos”un xidmət ixracından əldə etdiyi gəlir onun ümumi gəlirlərinin 73 %-ni təşkil edib.

Hesabat dövründə peyk telekommunikasiya xidmətlərinin ixracının ilk beşliyində isə 6 milyon ABŞ dolları ilə Birləşmiş Krallıq, 3,8 milyon ABŞ dolları ilə Lüksemburq, 855,5 min ABŞ dolları ilə Birləşmiş Ərəb Əmirlikləri, 683,8 min ABŞ dolları ilə Pakistan, 654,5 min ABŞ dolları ilə Türkiyə qərarlaşıb.

Təkcə dekabrda isə “Azərkosmos” 40 ölkəyə 1,6 milyon ABŞ dolları dəyərində xidmət ixrac edib.

Oxşar xəbərlər

“Azərkosmos”un ixrac gəlirləri 4 %-dən çox azalıb

“Azərkosmos”un xidmətlərinin ixrac olunduğu ölkələrin sayı artıb

“Azərkosmos”un xidmət ixrac etdiyi ölkələrin sayı artıb

"Azərkosmos"un ixrac gəlirləri 3,5% azalıb

AZAL-ın ixrac gəlirləri 2 dəfədən çox artıb