Bir neçə gün davam edən mülayim hava şəraitindən sonra noyabrın 3-ü günün ikinci yarısından ölkə ərazisində hava şəraitinin dəyişəcəyi, 4-ü axşamadək qeyri-sabit, arabir yağıntılı keçəcəyi, havanın temperaturunun ötən günlərlə müqayisədə 7-10 dərəcə aşağı enəcəyi gözlənilir.

Bu barədə Sizinxeber.az-ya Millli Hidrometeorologiya Xidmətinin rəsmisi Gülnarə Abbasova bildirib.

O qeyd edib ki, Bakıda və Abşeron yarımadasında noyabrın 3-ü axşamdan 4-ü gündüzədək arabir yağış yağacağı, bəzi yerlərdə leysan xarakterli olacağı gözlənilir. Yarımadanın ayrı-ayrı yerlərində şimşək çaxacağı ehtimalı var:

“Noyabrın 3-ü axşam şimal və qərb rayonlarından başlayaraq 4-ü axşamadək hava şəraitinin qeyri-sabit keçəcəyi, arabir yağıntılı olacağı, şimşək çaxacağı gözlənilir. Naxçıvan MR, Qazax-Gəncə, Quba-Qusar, Balakən-Şəki, Dağlıq Şirvan, Mərkəzi Aran, Qarabağ, Şərqi-Zəngəzur və Lənkəran-Astara bölgəsində yağıntıların leysan xarakterli intensiv olacağı, dolu düşəcəyi, dağlıq və dağətəyi rayonlarda yağışın qara keçəcəyi ehtimalı var.

Çaylarda sululuğun artacağı, Böyük və Kiçik Qafqazın, o cümlədən Lənkəran-Astara bölgəsinin bəzi çaylarından qısamüddətli daşqın və sel keçəcəyi ehtimal olunur”.

Oxşar xəbərlər

Bakıda yağış yağacaq, leysan olacaq, temperatur 4-6 dərəcə enəcək - XƏBƏRDARLIQ [xfgiven_updateblue][/xfgiven_updateblue]

Yağış yağacaq, temperatur düşəcək - XƏBƏRDARLIQ [xfgiven_updateblue][/xfgiven_updateblue]

Temperatur enəcək, intensiv yağış yağacaq, çaylardan sel keçəcək - XƏBƏRDARLIQ [xfgiven_updateblue][/xfgiven_updateblue]

Sabah hava yağmurlu olacaq, dağlıq ərazilərə qar yağacaq - PROQNOZ [xfgiven_updateblue][/xfgiven_updateblue]

Sabah bəzi yerlərdə arabir yağış yağacaq, şimşək çaxacaq - PROQNOZ [xfgiven_updateblue][/xfgiven_updateblue]