Cəlilabadda avtomobil qəzasında xəsarət alanların vəziyyəti məlum olub.

TƏBİB-dən "Report"un Muğan bürosunun sorğusuna cavab olaraq bildirilib ki, Cəlilabad rayonu ərazisində iyunun 4-ü saat 14:00 radələrində baş verən yol-nəqliyyat hadisəsi səbəbilə xəsarət alan 5 nəfər (3 kişi, 2 qadın) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Onlara bədənin müxtəlif nahiyələrinin çoxsaylı travmaları diaqnozu təyin edilib. Hazırda vəziyyətləri stabil qiymətləndirilən 4 nəfərin müalicəsi Təcili tibbi yardım şöbəsində davam etdirilir.

Xəsarət alan 1994-cü il təvəllüdlü kişi dərhal cərrahi əməliyyata alınıb. Vəziyyəti ağır olaraq qiymətləndirilir.

14:14

Cəlilabad rayonunda dörd nəfərin xəsarət alması ilə nəticələnən avtomobil qəzası baş verib.

"Report"un Muğan bürosunun məlumatına görə, hadisə köhnə Ələt–Astara yolunun Cəlilabad rayonundan keçən hissəsində qeydə alınıb.

"Zil" markalı yük və "Kia" markalı minik avtomobillərinin toqquşması nəticəsində yük maşını idarəetməni itirərək aşıb. Hadisə zamanı xəsarət aldığı bildirilən dörd nəfər xəstəxanaya çatdırılıb.

Faktla bağlı araşdırma aparılır.

Oxşar xəbərlər

Cəlilabadda yol qəzası olub, xəsarət alanlar var - FOTO - YENİLƏNİB

Cəlilabadda avtomobilin kanala aşması nəticəsində xəsarət alanların son durumu açıqlanıb - YENİLƏNİB

Cəlilabadda yol qəzasında xəsarət alanların vəziyyəti açıqlanıb  - YENİLƏNİB

Biləsuvarda yol qəzasında xəsarət alanların durumu açıqlanıb - YENİLƏNİB

İmişlidə avtoqəzada xəsarət alanların müalicəsi xəstəxanada davam etdirilir - YENİLƏNİB