Bakı-Xankəndi velosiped yarışında komandalar 4 qitəni əhatə edir.

"Report"un məlumatına görə, bunu Bakı-Xankəndi Azərbaycan Velosiped Yarışının texniki direktoru Roland Hofer mətbuat konfransında bildirib.

O, yarışa son hazırlıqları dəyərləndirib:

"Çox xoşbəxtəm ki, yenidən qayıtmışıq və 2.1 kateqoriyasında yarış keçirəcəyik. 20 ölkədən 24 komanda yarışacaq. Komandalar 4 qitəni əhatə edir. Həm sağ velosibedlərin, həm də sürətli velosipedlərin mübarizəsini izləyəcəyik. Sprint yarışları keçiriləcək. Yarışın mərhələləri haqqında Sahib Ələkbərov tərəfindən məlumat verildi. Starta tam hazırıq. Startdan öncə komandaların təqdimatı olacaq".

Qeyd edək ki, mayın 10-da start götürəcək Bakı-Xankəndi Azərbaycan Velosiped Yarışında dünyanın 20 ölkəsini təmsil edən 24 komanda iştirak edəcək. 5 gün davam edəcək yarışın əsas məqsədi Azərbaycanda velosiped idmanının inkişafına töhfə vermək, ölkəmizin beynəlxalq idman arenalarında nüfuzunu daha da artırmaq və regionun idman turizmi potensialını tanıtmaqdır.

Oxşar xəbərlər

Sahib Ələkbərov: "Bakı-Xankəndi Velosiped Yarışında 20 ölkədən 24 komanda mübarizə aparacaq"

Bakı-Xankəndi velosiped yarışının mükafat fondu 50 min avrodan çoxdur

Bakı-Xankəndi Azərbaycan Velosiped Yarışı starta hazırdır

"Bakı-Xankəndi" velosiped yarışında iştirakını təsdiqləyən komandalar müəyyənləşib

"Bakı-Xankəndi" Azərbaycan velosiped yarışının təşkilinə həsr olunmuş iclas keçirilib