Aprelin 29-da Azərbaycan Cüdo Federasiyasının təşkilatçılığı ilə işğaldan azad olunmuş torpaqlarda ilk rəsmi cüdo tədbiri keçirilib.

"Report"un Cəbrayıla ezam olunan əməkdaşı xəbər verir ki, rayonun Horovlu kənd tam orta ümumtəhsil məktəbində kəmər dərəcələri üzrə rəsmi imtahan təşkil olunub.

İmtahanda Ağcabədi, Laçın, Tərtər, Bərdə və Cəbrayıldan olan 47 cüdoçu iştirak edib.

İdmançılar yaş uyğunluğuna əsasən ağ-sarı, sarı, narıncı, yaşıl, göy və qəhvəyi kəmər dərəcələri üzrə bacarıqlarını nümayiş etdiriblər. İmtahanı uğurla başa vuran cüdoçulara müvafiq kəmər və sertifikatlar təqdim olunub.

Qeyd edək ki, kəmər imtahanları cüdoçuların texnikaları daha sistemli və hərtərəfli mənimsəməsinə, eyni zamanda onların motivasiyasının artmasına xidmət edir. Bu mərhələ həm də gələcəkdə nüfuzlu daxili yarışlarda iştirak üçün vacib şərtlərdən biri hesab olunur.

Oxşar xəbərlər

Azərbaycan Cüdo Federasiyası kəmər dərəcələri üzrə imtahan təşkil edib

Naxçıvanda cüdoçular üçün kəmər imtahanı təşkil olunub

Cüdo Federasiyasının təşkilatçılığı ilə Bakıda kəmər dərəcələri üzrə imtahan keçiriləcək

Azərbaycan Cüdo Federasiyasının təşkilatçılığı ilə kəmər dərəcələri üzrə imtahan keçiriləcək

Qazaxda cüdo üzrə kəmər dərəcələri imtahanı keçiriləcək