ABŞ-ın Azərbaycandakı səfirliyi, “EducationUSA Azerbaijan” və Beynəlxalq Təhsil üzrə Amerika Şurasının birgə təşkilatçılığı ilə Bakıda ABŞ məzunları sərgisi təşkil edilib.

Sizinxeber.az xəbər verir ki, sərgidə 45-dən çox ABŞ universiteti və təhsil təşkilatı təmsil olunub. Tədbirdə 50-dən çox azərbaycanlı məzun və ABŞ səfirliyinin əməkdaşları da iştirak ediblər.

Qeyd olunub ki, iştirakçılar Yale, Harvard, Kolumbiya, Karnegi Mellon Universiteti və digər nüfuzlu Amerika ali təhsil müəssisələrinin bakalavr, magistratura və mübadilə proqramları haqqında birbaşa məlumat əldə etmək imkanı qazanıblar.

Açılış mərasimində çıxış edən ABŞ-ın Azərbaycandakı müvəqqəti İşlər Vəkili Emi Karlon ABŞ-da ali təhsilin azərbaycanlı tələbələr arasında getdikcə daha çox maraq doğurduğunu vurğulayıb.

“ABŞ-da ali təhsil azərbaycanlı tələbələrin üstünlük verdiyi istiqamət olaraq qalır və son illərdə biz bu sahədə əhəmiyyətli artımın şahidi olmuşuq,” – deyə Karlon bildirib.

Tədbirdə həmçinin EducationUSA məsləhət xidmətləri, Virtual American Spaces və ABŞ hökuməti tərəfindən maliyyələşdirilən mübadilə proqramları təqdim olunub.

Bundan əlavə, ABŞ Səfirliyinin konsulluq əməkdaşları tələbə vizaları ilə bağlı xüsusi təqdimat keçirərək müraciət prosesi barədə məlumat verib, gələcək tələbələrin və onların ailələrinin suallarını cavablandırıblar.

Oxşar xəbərlər

ABŞ səfirliyi təhsil sərgisi keçirəcək

ABŞ-da təhsil alan azərbaycanlı tələbələrin sayı artıb

ABŞ səfirliyi təhsilə həsr olunmuş sərgi təşkil edib

Müvəqqəti işlər vəkili: ABŞ-da təhsil alan azərbaycanlı tələbələrin sayı artıb

Emi Karlon: ABŞ azərbaycanlı tələbələr üçün əsas istiqamətlərdən biri olaraq qalır