“Naxçıvanda yaxın illərdə daha 10-a yaxın uşaq bağçasının və bir neçə müasir məktəb binasının tikintisi nəzərdə tutulur”.

“Sizinxeber.az”un yerli bürosu xəbər verir ki, bunu Naxçıvan Muxtar Respublikasının təhsil naziri Elxan Nəcəfov jurnalistlərə müsahibəsində bildirib.

O qeyd edib ki, bu ilki qəbul imtahanlarında 104 abituriyent 600-700 intervalında bal toplayıb. Eyni zamanda Naxçıvan məktəbləri buraxılış imtahan nəticələrinə görə ölkə üzrə bölgələr arasında ən yüksək göstəricilər baxımından ikinci yerdə qərarlaşıb.

“Təhsilin idarəolunmasında şəffaflığın təmin olunması, bərabər imkanların yaradılması, respublika və beynəlxalq olimpiadalarda göstəricilərin yaxşılaşdırılması Səlahiyyətli Nümayəndəlik tərəfindən qarşımıza qoyulan ən vacib tapşırıqlardandır”.