MİDA Yasamal Yaşayış Kompleksində yerləşən və Bakı Şəhəri üzrə Təhsil İdarəsinin (BŞTİ) yeni təhvil aldığı 351 nömrəli körpələr evi-uşaq bağçasının müvafiq qaydalara uyğun olaraq fəaliyyətə başlaması üçün zəruri prosedurlar tamamlanıb.

Bu barədə "Report"un sorğusuna cavab olaraq BŞTİ-dən məlumat verilib.

Qeyd olunub ki, valideynlər bu gün saat 11:00-dan etibarən www.bq.edu.az elektron qeydiyyat sistemi vasitəsilə qeydiyyatdan keçə bilərlər.

Həmçinin vurğulanıb ki, həmin ərazidə 345 nömrəli körpələr evi-uşaq bağçası da fəaliyyət göstərir. Məktəbəqədər təhsil müəssisələrinin infrastrukturunun yenilənməsi və şəbəkəsinin genişləndirilməsi baxımından davamlı tədbirlər, sosial inkişafa xidmət edən proqramlar həyata keçirilir.

Oxşar xəbərlər

BŞTİ: Uşaq bağçasında kommunal problemlərə dair iddialar araşdırılıb

Bakıda bağçada bir sıra ciddi nöqsanlar aşkarlanıb, müdir işdən azad edilib

Yeni tədris ilindən Yasamal və Naftalanda məktəbəqədər təhsil müəssisələri fəaliyyətə başlayacaq

BŞTİ-nin tabeliyindəki məktəblərin buraxılış siniflərini 80 mindən çox şagird bitirir

Bərdədə uçqun uşaq bağçasının inzibati binasında baş verib?