İman Quliyev: Dövlət proqramı çərçivəsində inşa edilən “Dərnəgül” elektrik deposu strateji obyektdir

Dövlət proqramı çərçivəsində inşa edilən “Dərnəgül” elektrik deposu strateji obyektdir.

“Report” xəbər verir ki, bunu Dövlət Ekoloji Ekspertiza Agentliyinin İdarə Heyətinin sədr müavini İman Quliyev “Dərnəgül” elektrik deposunun inşası zamanı layihə altına düşən yaşıllıqlarla bağlı ictimai dinləmədə deyib.

O bildirib ki, bu layihə nəqliyyat infrastrukturunun inkişafı üçündür:

“Layihə üzrə sənədlər bizə təqdim olunub və ekspertizası keçirilib, tövsiyələr verilib. Layihənin icrası üçün plana düşən ağacların yalnız köçürülməsi olacaq. Layihədə yaşıllıq landşaftı öz əksini tapmalıdır. Əks hal mümkün deyil. Ciddi nəzarət aparılır. Çalışırıq ki, həm layihələr icra olunsun, həm də ekoloji tədbirlərə əməl edilsin”.