İqlim dəyişikliyi ilə mübarizədə Azərbaycanın möhkəm siyasi iradəsi var.

"Report" xəbər verir ki, bunu Avropa Şurasının xüsusi nümayəndəsi Aleksandr Cesse Bakıda keçirilən Dini Liderlərin Qlobal Sammitində təşkil olunmuş "Dünya Dinləri Yaşıl Planet uğrunda" mövzusunda plenar iclasda deyib.

Onun fikrincə, iqlim dəyişikliyi gələcək nəsillərin qorunması üçün həll edilməli olan vacib məsələdir.

"Bu problem fundamental insan hüquqlarına təhlükə törədir. Dinlər, inanclar sosial bütövlüyün, tolerantlığın qurulmasında vacibdir. Biz dialoqu, dini konfessiyaların təmasını açıq saxlamalıyıq. Avropa Şurası sülhün təmin olunmasında öz missiyasına sadiq qalır. Avropada və ondan kənarda dinlərarası dialoqun təşviqi təşkilatımızın əsas məqsədidir. Avropa Şurası dinlərarası dialoqu dəstəkləyir", - A.Cesse deyib.

Oxşar xəbərlər

Şamil Ayrım: Dini liderlərin toplantıları iqlim böhranına diqqət çəkmək üçün mühüm rol oynaya bilər

Hindistanın dini rəhbəri bütün dini icmaları birləşərək planeti qorumağa çağırıb

Moratinos: Dini liderlər iqlim dəyişikliyi ilə mübarizəyə mühüm töhfə verə bilərlər

BƏƏ nümayəndəsi: COP29-da iqlim dəyişikliyi ilə mübarizədə qətiyyətli addımlara keçmək vacibdir

Məhəmməd Əbdülsalam: Müsəlman Ağsaqqalları Şurası Azərbaycanın iqlim təşəbbüslərini yüksək qiymətləndirir