Müsəlman Ağsaqqalları Şurası Azərbaycanın iqlim dəyişikliyi ilə mübarizə təşəbbüslərini yüksək qiymətləndirir.

"Sizinxeber.az" xəbər verir ki, bunu Şuranın sədri Məhəmməd Əbdülsalam Bakıda keçirilən Dini Liderlərin Qlobal Sammitində deyib.

“Azərbaycan bütün dinlərə və mədəniyyətlərə böyük hörmətlə yanaşıldığı bir ölkədir. Dini liderləri iqlim mövzusu ətrafında birləşdirən belə bir tədbirin məhz Azərbaycanda təşkilini rəmzi hesab edirəm. COP29 iqlim konfransı ərəfəsində dini liderlərin sammiti xüsusi əhəmiyyət kəsb edir”, - o qeyd edib.

M.Əbdülsalam Qafqaz Müsəlmanları İdarəsinin rəhbəri Şeyxülislam Allahşükür Paşazadənin sədrliyi ilə Dini Liderlərin Sammitinin məhsuldar olacağına əminliyini ifadə edib.

“Bu cür tədbirlər mütəmadi olaraq keçirilməlidir. İqlim dəyişikliyi təxirəsalınmaz tədbirlərin görülməsini tələb edən önəmli mövzudur və bu istiqamətdə birgə səylər vacibdir”, - o vurğulayıb.

Oxşar xəbərlər

Misirin Baş müftisi Dini Liderlərin Bakı sammitində iştirak edəcək

COP29 çərçivəsində dini liderlərin sammitinin keçirilməsi üzrə hazırlıq işləri müzakirə edilib

BMT-nin Baş katibi dini liderləri iqlim dəyişikliyi ilə mübarizə tədbirlərini təşviq etməyə çağırıb

COP29 çərçivəsində Dini Liderlərin Qlobal Bakı Sammiti keçiriləcək

Prezident: Qlobal ekoloji problemlər bəşəriyyətin mövcudluğu və gələcəyi üçün ciddi təhdidlər yaradır