Nazir müavini: İqlim dəyişikliyi dünyada yeni vəziyyət yaradıb

İqlim dəyişikliyi dünyada yeni vəziyyət yaradıb.

"Sizinxeber.az" xəbər verir ki, bunu Azərbaycan Həmkarlar İttifaqları Konfederasiyasının (AHİK) təşkilatçılığı ilə "İqlim dəyişmələri və ədalətli keçid: həmkarlar ittifaqlarının rolu və fəaliyyəti" mövzusunda keçirilən beynəlxalq konfransda iqtisadiyyat nazirinin müavini Sahib Ələkbərov deyib.

Onun sözlərinə görə, hazırda yeni çağırışlar meydana çıxıb: "Uzun illərdir ki, bu vəziyyətdən çıxış yolu axtarılır".

"Azərbaycan iqlim dəyişikliyi problemindən çıxış yoluna töhfə verməyə çalışan ilk ölkələrdən biridir. Azərbaycanın bu məsələdə konkret öhdəlikləri var, bu istiqamətdə müxtəlif işlər görülür, addımlar atılır", - nazir müavini bildirib.