İqlim dəyişikliyi bütün səviyyələrdə təcili birgə fəaliyyət tələb edən çağırışlarla üzləşən bəşəriyyət üçün ən ciddi təhdidlərdən biridir.

“Sizinxeber.az” xəbər verir ki, bunu Qırğızıstanın ekologiya nazirinin müavini Asel Raimkulova Bakıda keçirilən “Genişləndirilmiş Şəffaflıq Çərçivəsində (ETF) ümumi iştirak vasitəsilə iqlim məsələlərinin şəffaflığının artırılması” adlı yüksək səviyyəli dialoq zamanı deyib.

"Bizim səylərimizin şəffaf, etibarlı və düzgün məlumatlara əsaslanması vacibdir", – o bildirib.

Nazir müavini qeyd edib ki, dünyanın iqlim dəyişikliyinə həssas dağlıq ölkələrindən biri olan Qırğızıstan iqlim dəyişikliyi ilə mübarizəyə və iqlimə davamlı, aşağı karbonlu inkişaf modellərinə keçidin sürətləndirilməsinə sadiq qalır.

“Hazırda biz potensialın artırılması, beynəlxalq səviyyədə tanınmış standartlara uyğun olaraq Paris Sazişi çərçivəsində iqlim dəyişikliyi ilə mübarizə üzrə fəaliyyətin şəffaflığının təmin edilməsi təşəbbüsünü həyata keçirməyi planlaşdırırıq”, - A.Raimkulova əlavə edib.

Oxşar xəbərlər

Özbəkistanın ekologiya naziri: COP29-un Azərbaycanda keçirilməsi Mərkəzi Asiya üçün də vacibdir

Qazaxıstan Prezidentinin müşaviri: Hesabatlarda şəffaflıq iqlim səylərində irəliləyişi izləmək üçün çox vacibdir

BMT rəsmisi: Bütün ölkələrdə və regionlarda təcili iqlim dəyişikliyi ilə mübarizə üzrə tədbirlər tələb olunur

BMT-nin rezident-əlaqələndiricisi: Şəffaflıq məsələlərinə göstərdiyi prioritet diqqətə görə Azərbaycana minnətdarıq

Syu Biniaz: Şəffaflığın və hesabatların təhlili doğru istiqamətdə hərəkət etdiyimizi anlamağa imkan verir