“Bakı Marafonu 2025”ə qeydiyyat başa çatıb.

“Küləyə qalib gəl” marafonuna rekord sayda iştirakçı

APA xəbər verir ki, mayın 4-də Heydər Əliyev Fondunun təşəbbüsü ilə keçiriləcək marafona 27 min iştirakçı qeydiyyatdan keçib.

Bu, ötənilki marafonlarla müqayisədə ən yüksək iştirakçı sayıdır.

Xüsusi iştirakçılar və beynəlxalq maraq

“Küləyə qalib gəl”ənlər sırasında Azərbaycan vətəndaşları ilə yanaşı, digər ölkələrdən qoşulanlar da olacaq. Yürüşdə fiziki imkanları məhdud şəxslər, Daun sindromlu uşaqlar da iştirak edəcək.

Marşrut və məsafə barədə məlumat

Start və finiş nöqtələri Dövlət Bayrağı Meydanı olan marafonun marşrutu Dənizkənarı Bulvar, o cümlədən paytaxtın mərkəzi küçə və prospektləri olmaqla, ümumilikdə 21 km məsafəni əhatə edəcək.

Mükafatlandırma və sertifikatlar

Marafon iştirakçıları qaçış zolağında kişi və qadın kateqoriyalarında ilk 3 yer uğrunda mübarizə aparacaqlar. Bununla yanaşı, finişə çatan ilk 2000 iştirakçıya medallar, bütün marafon iştirakçılarına və yarışın təşkilində dəstək göstərən könüllülərə isə sertifikatlar təqdim olunacaq.

Əyləncə zonaları və ictimai proqramlar

Marafon iştirakçıları, şəhər sakinləri və qonaqlar üçün Dövlət Bayrağı Meydanında və marşrut üzrə müxtəlif ünvanlarda əyləncə zonası da yaradılacaq. Burada əyləncə proqramları, yarışlar, idman tədbirləri keçiriləcək.

Oxşar xəbərlər

“Bakı Marafonu 2025”ə qeydiyyat başlayır

“Bakı Marafonu 2025” “Azercell Telekom”un eksklüziv tərəfdaşlığı ilə keçiriləcək

“Məktəblilərarası Milli Hakaton” üzrə seçim mərhələsi başlayıb

“Məktəblilərarası Milli Hakaton - 2025” müsabiqəsi üçün qeydiyyat davam edir - VİDEO

Anar Ələkbərov: COP29-da iştirak üçün 67 min nəfər qeydiyyatdan keçib