Qazax rayonunun işğaldan azad edilmiş ərazilərində 2024-cü ilin aprel ayından etibarən minatəmizləmə fəaliyyəti icra edilir.

ANAMA-dan APA-nın sorğusuna cavab olaraq bildirilib ki, icra edilən əməliyyatlar zamanı 59 ha ərazi təmizlənib, 780 ədəd piyada əleyhinə mina, 95 ədəd tank əleyhinə mina və 32 ədəd partlamamış hərbi sursat (PHS) aşkar edilərək zərərsizləşdirilib.

Qeyd edilmiş ərazilərdə həm relyef çətinliyi, həm də minalarla yüksək səviyyədə çirklənmə mövcuddur. Bu ərazilərdə minaların mina xətti kimi deyil, qrup minaları, yəni 5-6 və daha çox minadan ibarət formatda basdırılması hallarına rast gəlinir.

Eyni zamanda, həmin kəndlərə yaxın yerləşən ərazilərdə Agentlik nümayəndələri tərəfindən Partlayıcı Sursatların Təhlükəsinə dair Maarifləndirmə tədbirləri həyata keçirilir, əhali ilə maarifləndirici görüşlər keçirilir.

Oxşar xəbərlər

Qazaxın azad edilmiş kəndlərində aşkarlanmış minaların sayı məlum olub

Ötən ay azad edilmiş ərazilərdə 767 mina zərərsizləşdirilib

Azad edilmiş ərazilərdə daha 97 mina, 612 PHS aşkarlanıb