Ədliyyə Nazirliyinin Strateji planlaşdırma və monitorinq baş idarəsinə rəis təyin edilib.

Bu barədə Sizinxeber.az-ya Ədliyyə Nazirliyinin Mətbuat xidmətindən məlumat verilib.

Bununla bağlı ədliyyə naziri müvafiq əmr imzalayıb. Əmrə əsasən, Ceyhun Tağıyev Nazirliyin Strateji planlaşdırma və monitorinq baş idarəsinin rəisi vəzifəsinə təyin edilib.
Ceyhun Tağıyev əmək fəaliyyətinə 2003-cü ildə daxili işlər orqanlarında başlayıb, 2024-cü ilin iyun ayınadək müxtəlif vəzifələrdə çalışıb. “Daxili işlər orqanlarında qüsursuz xidmətə görə” medalının hər 3 dərəcəsi ilə təltif edilib.

2024-cü ilin iyun ayında ədliyyə orqanlarına qulluğa qəbul olunaraq Strateji planlaşdırma və monitorinq baş idarəsinin Daxili nəzarət və araşdırmalar idarəsinin rəisi vəzifəsinə təyin olunub. Həmçinin, 2024-cü ilin sentyabr ayından bu təyinatadək Strateji planlaşdırma və monitorinq baş idarəsinin rəisi vəzifəsinin icrası ona müvəqqəti həvalə edilib.

Oxşar xəbərlər

Məhkəmə-Hüquq Şurasının Aparat rəhbərinə yeni müavin təyin olunub

Baş Prokurorluğun Elm-Tədris Mərkəzinə rəis təyin edilib