Dekabr 2-də Şuşa şəhərində İslam dünyasının "Gənclər Paytaxtı"nın bağlanış mərasiminin salamlama tədbiri keçirilib.

APA xəbər verir ki, gənclər və idman nazirinin müşaviri Ramil Cabbarov qonaqları salamlayıb.

Mədəniyyət Nazirliyinin rəsmisi Ülviyyə Zeynalova çıxışında "Gənclər Paytaxtı" bağlanış mərasimi çərçivəsində keçiriləcək tədbirlər haqqında məlumat verib.

Qeyd edək ki, İslam ölkələrinin gənclərinin Azərbaycana səfəri 1-6 dekabr tarixlərini əhatə edəcək. Tədbirlərdə İƏT-ə üzv və müşahidəçi ölkələrin 300-ə yaxın rəsmi nümayəndələri, gənclər və könüllülər iştirak edir. Həmçinin, tədbir çərçivəsində Şuşa şəhərində "Şuşa Beynəlxalq Gənclər Festivalı", "Şuşa yaradıcılıq emalatxanası", "İslam dünyası gənc klassik musiqi ifaçılarının Beynəlxalq Festival- Müsabiqəsi", "Yaradıcılıq marafonu", "Oyun texnologiyaları mövzusunda sammit-G-Hub", "SİNA - İslam ölkələrinin gənc alimlərinin forumu", "İƏT ölkələrinin Gənclər Təşkilatlarının Forumu" təşkil olunacaq.

Xatırladaq ki, Prezident İlham Əliyev 17 aprel 2024-cü il tarixində "Şuşa şəhərinin 2024-cü il üçün "İslam Əməkdaşlıq Təşkilatının gənclər paytaxtı" seçilməsi ilə bağlı tədbirlər haqqında" Sərəncam imzalayıb.

Oxşar xəbərlər

Ərəb dilinə tərcümə edilmiş “Şuşa – zirvədən uca” kitabının təqdimatı keçirilib - FOTO

Paris Olimpiadasının bağlanış mərasimi keçirilir

İlham Əliyevdən Şuşa ilə bağlı sərəncam

UNESCO Ümumdünya İrs Komitəsinin 46-cı sessiyası çərçivəsində bir sıra görüşlər keçirilib

Şuşada TDT səhiyyə nazirlərinin IV iclası keçirilir - FOTO