Lənkəranda “Yanğınsöndürmə balonlarından istifadə qaydası və yanğın zamanı işçilərin davranış qaydaları” mövzusunda təlim keçirilib.

APA-nın cənub bürosunun verdiyi xəbərə görə, təlimdə tibbi personala yanğınsöndürmə balonlarından istifadə, yanğınlar və onlara qarşı mübarizə, ümumiyyətlə, fövqəladə hadisələr zamanı işçilərin davranış qaydaları barədə məlumat verilib.

Fövqəlada Hallar Nazirliyinin Dövlət Yanğın Nəzarəti Xidmətinin əməkdaşları və Lənkəran Rayon Mərkəzi Xəstəxanasının Əməyin mühafizəsi bölməsinin mütəxəssisi Malik Sovqatov xəstəxananın Terapiya və yoluxucu xəstəliklər şöbəsində çalışan personala yanğınsöndürmə balonlarından istifadə qaydaları, yanğınlar və onlara qarşı mübarizə, ümumiyyətlə fövqəladə hadisələrin baş verməsi təhlükəsi zamanı işçilərin davranış qaydalarına dair vərdişlərin möhkəmləndirilməsi istiqamətində danışıblar.

Keçirilən təlimdə tibbi personala odsöndürən balonlardan necə istifadə olunması, yanğınlar zamanı onlara qarşı mübarizə, əyani olaraq yanğının söndürülməsi nümayiş etdirilib.

Bu tip təlimlərin mütəmadi keçirilməsi planlaşdırılır.

Oxşar xəbərlər

FHN “Gənclik Mall”da təlim keçirib - VİDEO

Naxçıvan Modul Elektrik Stansiyasında seminar-müşavirə və təlim keçirilib - FOTO

FHN Gəncə Müalicə Diaqnostika Mərkəzində təlim keçirib - VİDEO

Respublika Psixiatriya Xəstəxanasında yanğın təhlükəsizliyi ilə bağlı tədbir keçirilib

Naxçıvanda yanğın-taktiki təlim keçirilib