Bakı Şəhər Dövlət Yol Polisi İdarəsi sürücülərə müraciət edib.

Sizinxeber.az-nın xəbərinə görə, müraciətdə deyilir ki, 8 Noyabr - Zəfər Günü ilə əlaqədar paytaxtın müxtəlif küçə və prospektlərində müəyyən edilən marşrutlar üzrə hərbi orkestrlərin müşayiəti ilə hərbi qulluqçuların yürüşləri keçiriləcək.

Yürüşlər 5 marşrut üzrə saat 10:00-dan 12:00-dək təşkil ediləcək:

-Heydər Əliyev sarayı - Bülbül prospekti - Nizami Kino Mərkəzi - Neftçilər prospekti - Azadlıq meydanı – “Amay” Ticarət Mərkəzi;

-Şəhidlər Xiyabanı - "Alov qüllələri" kompleksi - "İçərişəhər" metrosu - İstiqlaliyyət küçəsi - Azneft dairəsi - Bəhram Gur heykəli;

-Yasamal parkı - Ə.Haqverdiyev küçəsi - H.Cavid prospekti - Parlament prospekti - Şəhidlər Xiyabanı;

-“Olimpik Star” İdman və Əyləncə mərkəzi - S.Vurğun küçəsi - Zabitlər parkı - Bakı Dövlət Sirki - H.Əliyev sarayı – İ.Nəsimi heykəli – Neftçilər prospekti;

-N.Nərimanov heykəli – Mərkəzi Park – Azərbaycan Dövlət Akademik Milli Dram Teatrı – Qış parkı – H.Əliyev sarayı – Mərkəzi Bank – “28 Mall” Ticarət Mərkəzi;

Sürücülərdən yürüşün keçirildiyi küçə və prospektlərdə nəqliyyat vasitələrinin hərəkətində qismən fasilələr yaranacağını nəzərə almaları xahiş edilir. Qeyd edilib ki, yürüşün marşrutlar üzrə hərəkəti yol-patrul xidməti əməkdaşları tərəfindən tənzimlənəcək.

Oxşar xəbərlər

Xankəndi, Şuşa, Laçın, Bakı və Gəncədə 8 Noyabr - Zəfər Günü ilə bağlı yürüşlər təşkil olunacaq

Zəfər Günü ilə əlaqədar Bakıda hərbi orkestrlərin müşayiəti ilə yürüş keçiriləcək

Zəfər Günü Bakıda yürüş olacaq - Bu yollar bağlanacaq

8 Noyabr - Zəfər Günü ilə əlaqədar bir neçə mərkəzi yolda hərəkət məhdudlaşdırılacaq

Bakıda yağışa görə yollarda sıxlıq yaranıb