Bu ilin yanvar-iyul aylarında Türkiyə ərazisi ilə Bakı-Tbilisi-Ceyhan (BTC) kəməri vasitəsilə 130 685 min barel neft nəql edilib ki, bu da illik müqayisədə 2,04% azdır.

Bu barədə "Sizinxeber.az-Economics" Türkiyənin borularla nəqletmə operatoru olan "BOTAŞ" şirkətinə istinadən xəbər verir.

Məlumata görə, 2023-cü ilin müvafiq dövründə BTC vasitəsilə Türkiyə ərazisi ilə 133 409 min barel neft nəql edilib.

Qeyd edək ki, ötən il Türkiyə ərazisi ilə Bakı-Tbilisi-Ceyhan (BTC) kəməri vasitəsilə 228 811 min barel neft nəql edilib ki, bu da 2022-ci ilin göstəricisi ilə müqayisədə 1,5% çoxdur.

Xatırladaq ki, BTC kəməri ilə Azərbaycanın "Azəri-Çıraq-Günəşli" yataqlarından hasil edilən neft idxal edilir. Bundan başqa, kəmər vasitəsilə digər istehsalçıların nefti də Türkiyə ərazisinə göndərilir.

Oxşar xəbərlər

Azərbaycanda neft kəmərlərində itkilərin həcmi açıqlanıb

Azərbaycanın magistral neft kəmərlərindən gəlirləri artıb

Azərbaycanda magistral qaz kəmərlərində itkilər kəskin azalıb

Azərbaycanın magistral qaz kəmərlərindən əldə etdiyi gəlirlər artıb