Mayın 23-24-də Bakıda “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizədə nəzarət orqanlarının rolu, vəzifələri və məsuliyyəti” mövzusunda beynəlxalq elmi-praktik konfrans keçiriləcək.

“Sizinxeber.az” xəbər verir ki, bu barədə Auditorlar Palatası məlumat yayıb.

“Konstitusiya və Suverenlik İli” çərçivəsində təşkil ediləcək tədbir Maliyyə Monitorinqi Xidməti ilə birgə, ölkə Prezidentinin 11 fevral 2025-ci il tarixli sərəncamı ilə təsdiq edilmiş Tədbirlər Planına uyğun baş tutacaq.

Tədbirdə Azərbaycanın aidiyyəti qurumları ilə yanaşı, İsrail, Pakistan və Latviya kimi ölkələrin audit və mühasibatlıq qurumlarının rəhbərləri, eləcə də çirkli pulların yuyulması və terrorçuluğun maliyyələşdirilməsinə qarşı mübarizə (ƏL/TMM) üzrə mütəxəssislər iştirak edəcəklər.

Konfransın ikinci günü xarici ekspertlər, nəzarət orqanlarının nümayəndələri, mühasiblər və auditorlar arasında ƏL/TMM sahəsində təcrübə mübadiləsi aparılması nəzərdə tutulur.

Oxşar xəbərlər

Maliyyə Nazirliyinin bəzi vəzifələri ləğv edildi

Azərbaycan terrorçuluğun maliyyələşdirilməsinə qarşı mübarizəni gücləndirir

Din xadimlərinə terrorçuluğun maliyyələşdirilməsi təhlükəsinə qarşı ayıq-sayıqlıq tövsiyə olunub

Nazirlər Kabineti Maliyyə Monitorinqi Xidməti ilə bağlı qərar verib

Azərbaycanda virtual aktiv xidməti təminatçılarına məhdudiyyətlər hansı halda tətbiq edilə bilər? - EKSKLÜZİV