Azərbaycanın Maliyyə Nazirliyi dövlət maliyyəsinin idarəedilməsi sahəsində aparılan islahatlara, həyata keçirilən layihələrə “Oliver Wyman” beynəlxalq məsləhətçi şirkətinin cəlb edilməsində maraqlıdır.

"Sizinxeber.az" nazirliyə istinadən xəbər verir ki, bu barədə Maliyyə Nazirliyi yanında Dövlət Xəzinədarlıq Agentliyinin direktoru Nazim Qasımzadə “Oliver Wyman” şirkətinin Azərbaycan üzrə rəhbəri Camal İsmayılov ilə keçirilən görüşdə bildirib.

Görüşdə dövlət maliyyəsinin idarəedilməsi, büdcə planlaşdırılması və icrası, vergi siyasəti, rəqəmsal maliyyə texnologiyaları və dövlət borcunun idarə olunması sahələrində əməkdaşlıq imkanları müzakirə olunub.

C.İsmayılov “Oliver Wyman” şirkətinin maliyyə və iqtisadiyyat sahəsində geniş təcrübəsindən bəhs edib, Azərbaycandakı ofisin şirkətin MDB və Orta Asiya ölkələrində həyata keçirilən layihələrinin regional ofisi olduğunu bildirib.

Görüşdə tərəflər arasında əməkdaşlığın qurulması və qarşılıqlı maraq doğuran məsələlərə dair geniş fikir mübadiləsi aparılıb.

Oxşar xəbərlər

Azərbaycan Dünya Bankının PEMPAL proqramının plenar iclasında təmsil olunub

SOCAR ABŞ şirkəti ilə enerji sektorunda yeni əməkdaşlıq imkanlarını araşdırır

Maliyyə naziri Sahil Babayev kollektivə təqdim edilib

Azərbaycan və Almaniya vergi üzrə innovasiyaların tətbiqini müzakirə edib

Azərbaycanın xarici dövlət borcunun yeni tərkibi açıqlanıb