Bu ilin I rübündə Azərbaycanın dövlət büdcəsinin gəlirləri 9 milyard 733,4 milyon manat, xərcləri isə 8 milyard 115 milyon manat təşkil edib. 

"Report" Maliyyə Nazirliyinə istinadən xəbər verir ki, bu, ötən ilin eyni dövrü ilə müqayisədə 5,4 % çox və 1,6 % azdır. 

Hesabat dövründə gəlirlər 101,8 %, xərclər isə 98 % icra edilib. 

Son nəticədə büdcədə 1 milyard 618,4 milyon manat profisit yaranıb ki, bu da 1 il əvvələ nisbətən 97 % çoxdur. 

"Yanvar-mart aylarında xəzinədarlıq orqanları 320 mindən çox ödəniş tapşırığı yerinə yetirib və büdcə gəlirlərini artıqlaması ilə icra edib. Büdcə xərclərinin az icra edilməsi isə mart ayında iş günlərinin sayının az olması ilə bağlıdır", - deyə nazirlik bəyan edib. 

Oxşar xəbərlər

Azərbaycanın dövlət büdcəsində 2,5 milyard manatdan çox profisit yaranıb

Azərbaycanın dövlət büdcəsində 3,5 milyard manata yaxın profisit yaranıb

Azərbaycanın dövlət büdcəsinin profisiti 5 %-dən çox artıb

Azərbaycanın icmal büdcəsində 9 milyard manata yaxın qalıq yaranıb

Azərbaycanın icmal büdcəsinin profisiti 2 dəfə azalıb