"Trading Economics” (TE) beynəlxalq iqtisadi statistika portalı Azərbaycan Mərkəzi Bankının (AMB) uçot faiz dərəcəsi ilə bağlı proqnozuna bəzi dəyişiklər edib.

"Sizinxeber.az-Economics“ xəbər verir ki, portal yenidən AMB-nin 2025-ci ilin I rübündəki qərarlarında uçot dərəcəsini sabit saxlayacağı, ilin II rübündə isə uçot dərəcəsini 6,75%-ə qədər endiricəyi gözləntisindədir.

Bununla belə, "Trading Economics" qlobal makro modelləri və analitiklərin gözləntilərinə əsasən, III rüb üzrə proqnozunu 6,5%-dən 6,25%-ə endirib, IV rüb üzrə isə 5%-dən 5,5%-ə qədər artırıb. Bu isə müvafiq olaraq əvvəlki proqnozdan 0,25% az və 0,5% çoxdur.

Qeyd edək ki, bundan əvvəl, "Fitch Solutions” şirkəti AMB-nin uçot dəcərəsini 6,75%-ə endirəcəyini proqnozlaşdırıb. Niderlandın maliyyə korporasiyası “ING Group” isə əksinə, hesab edir ki, Mərkəzi Bank uçot dərəcəsini 7,25%-dən 7,50%-ə yüksəldəcək.

Xatırladaq ki, AMB ötən ilin may ayından etibarən uçot dərəcəsini 7,25% səviyyəsində sabit saxlayır. Mərkəzi Bank uçot dərəcəsi ilə bağlı növbəti qərarını bu il martın 12-də açıqlayacaq.

Oxşar xəbərlər

Trading Economics: AMB 2025-ci ildə uçot dərəcəsini 5%-dək endirə bilər

Trading Economics: Bu il Azərbaycanda inflyasiya 4%-dən yuxarı olacaq

“Trading Economics” Azərbaycanın iqtisadi artım proqnozunu açıqlayıb

"Fitch Solutions" Azərbaycanın uçot dərəcəsi ilə bağlı uzunmüddətli proqnozunu açıqlayıb

ING: Azərbaycan Mərkəzi Bankı mart ayında uçot dərəcəsini artıracaq