Ötən il Azərbaycandakı bank olmayan kredit təşkilatları (BOKT) 157.1 milyon manat xalis mənfəət, 262.2 milyon manat məbləğində isə əməliyyat mənfəəti əldə ediblər.

"APA-Economics"in Azərbaycan Mərkəzi Bankının məlumatları əsasında apardığı hesablamalarına görə, illik müqayisədə BOKT-ların xalis mənfəəti 2.1 dəfə, əməliyyat mənfəəti isə 2.6 dəfə artıb.

Hesabat dövründə sözügedən kredit təşkilatlarının xalis faiz gəliri 209.4 mln. manat təşkil edib ki, bu da illik müqayisədə 30.5% çoxdur.

Bu dövrdə bank olmayan kredit təşkilatları 41.6 milyon manat mənfəət vergisi ödəyiblər.

Qeyd edək ki, 2024-cü ildə BOKT-ların aktivləri əvvəlki illə müqayisədə 31% artaraq 993.3 milyon manat, öhdəlikləri isə 21.1% artaraq 536.9 milyon manat təşkil edib.

2025-ci yanvar ayının 1-nə BOKT-ların cəmi kapitalı 456.4 milyon manat olub ki, bu da illik müqayisədə 44.8% çoxdur.

Oxşar xəbərlər

"Bank Avrasiya"nın xalis mənfəəti və kredit portfeli azalıb - Hesabat

"Bank BTB" bu ilin III rübünü zərərlə bitirib - HESABAT

Ötən il əhali ASB-dən 17 milyondan çox depoziti geri çəkib - HESABAT

“Bank VTB Azərbaycan"ın xalis mənfəəti azalıb, öhdəlikləri artıb - Hesabat