“AccessBank” QSC geri satın alınmış imtiyazlı səhmlərin dövriyyədən çıxarıb və ləğv edib.

“APA-Economics” bu barədə banka istinadən xəbər verir. Məlumata görə, “Accessbank” hər birinin nominal dəyəri 1 manat, ümumi nominal dəyəri və ümumi dəyəri 11 mln. 388 min 889 manat geri satın alınmış ( 11 mln. 388 min 889 ədəd) AZ3002004282 və AZ3001004283 dövlət qeydiyyat nömrəli qeyri-kumulyativ, sənədsiz, adlı imtiyazlı səhmlərin dövriyyədən çıxarıb və ləğv edib.

Qeyd edilib ki, bu, Bankın Səhmdarlarının Ümumi Yığıncağının 29 may 2024-cü il tarixli qərarına əsasən həyata keçirilib.

Səhmlərin geri satın alınması prosesi Mərkəzi Bankın yazılı razılığı əsasında 24 iyul 2024-cü il tarixində başlayıb və 9 dekabr 2024-cü il tarixində başa çatıb. Bank tərəfindən geri satın alınmış imtiyazlı səhmlər üzrə ödəniş imtiyazlı səhmdarların hesablarına köçürülüb.

Oxşar xəbərlər

Azərbaycanda 8 ayda 116 mln. manat ƏDV geri qaytarılıb

Azərbaycanda yeddi ayda istehlakçılara 103 mln. manat ƏDV geri qaytarılıb

10 ayda əhaliyə 145.8 mln. manat ƏDV məbləği geri qaytarılıb

Bu il “Bank Respublika”dan 100 milyondan çox depozit geri çəkilib - Hesabat