2025-ci ildə Azərbaycanda dövlət büdcəsindən sahibkarlıq subyektlərinin manatla aldıqları kreditlərə hesablanmış faizlərə görə subsidiyanın maliyyələşdirilməsinə 15 milyon manat vəsait ayrılacaq.

"Report"un məlumatına görə, bu, Prezident İlham Əliyevin bu gün təsdiqlədiyi “2025-ci ilin dövlət büdcəsi haqqında" qanunun tətbiqi barədə Fərmanda öz əksini tapıb.

Sənədə əsasən, bu, 2024-cü illə müqayisədə 22 % çoxdur.

Xatırladaq ki, bu gün Prezident İlham Əliyev Milli Məclisin dekabrın 16-da qəbul etdiyi "2025-ci il dövlət büdcəsi haqqında" qanunu təsdiqləyib.

Gələn il büdcənin gəlirlərinin 38 milyard 356 milyon manat (2024-cü ilin təsdiq olunmuş proqnozuna nisbətən 5,4 % çox), xərclərinin isə 41 milyard 407,6 milyon manat (4,2 % çox) olacağı gözlənilir. Son nəticədə büdcədə ÜDM-in 2,4 %-i qədər - 3 milyard 51,6 milyon manat kəsir yaranmalıdır. Bu isə illik müqayisədə 9 % azdır.

Oxşar xəbərlər

Bakı metrosuna subsidiya kəskin azaldılıb

“Təmiz Şəhər”ə subsidiya 28 %-ə yaxın azaldılıb

Prezident 2025-ci ilin dövlət büdcəsini təsdiqləyib

Azərbaycanda ehtiyat fondlarına ayırmalar 9 %-dən çox artırılır

Azərbaycanın 2025-ci il üçün büdcəsi daha 40 milyon manat artırılıb