Niderlandın beynəlxalq bank və maliyyə xidmətləri korporasiyası ING (Internationale Nederlanden Groep) Azərbaycanın iqtisadi artım proqnozunu artırıb.

"Sizinxeber.az-Economics" xəbər verir ki, ING Azərbaycanda 2024-cü ildə ÜDM-in artımı üzrə proqnozunu 2,8%-dən 3,5%-ə yüksəldib, 2025-ci ildə isə 2,5%-dən 2,6%-ə kimi artırıb. Bu isə korporasiyanın əvvəlki proqnozundan müvafiq olaraq 0,7% və 0,1% bəndi çoxdur.

ING 2024-cü ilin üçüncü rübü üzrə ümumdaxili məhsulun (ÜDM) artım proqnozunu 2,0%-dən 3,0%-ə, ilin son rübü üzrə isə proqnozunu 1,5%-dən 2,5%-ə yüksəldib.

Qeyd edək ki, Dünya Bankı yenicə açıqladığı proqnozuna əsasən Azərbaycanda iqtisadi artımı 2024-cü ildə 2,3 %, 2025-ci və 2026-cı illərdə isə 2,4 % səviyyəsində proqnozlaşdırır. Asiya İnkişaf Bankı 2024-cü ildə 1,2%, 2025-ci ildə isə Azərbaycanda 1,6% səviyyəsində iqtisadi artım gözləyir.

“Fitch Ratings” beynəlxalq reytinq agentliyi bu il üzrə 3,2 %, 2025-ci il üzrə 2,7 %-ə, 2026-cı ildə isə 2,3 % iqtisadi artım olacağını gözləyir.

Oxşar xəbərlər

ING bu il üzrə Azərbaycanda iqtisadi artım proqnozunu yüksəldib

ING Azərbaycan üzrə inflyasiya proqnozunu artırıb

Dünya Bankı Azərbaycanın iqtisadi artım proqnozunu yeniləyib

ING Azərbaycanda iqtisadi artım proqnozunu yeniləyib