Bu il iyulun 1-nə Azərbaycanda biznes kreditlərinin 46 %-i tam təminatlı olub.

“Sizinxeber.az” Azərbaycan Mərkəzi Bankına (AMB) istinadən xəbər verir ki, bu, ötən il iyulun 1-i ilə müqayisədə 0,2 faiz bəndi azdır.

Son 1 ildə qismən təminatlı biznes kreditərinin xüsusi çəkisi 0,8 faiz bəndi azalaraq 32,6 %, təminatsız biznes kreditlərinin payı isə 1 faiz bəndi artaraq 21,4 % olub.

Hesabat tarixinə iri sahibkarlıq subyektlərinin kreditlərinin 45 %-i tam təminatlı (2,6 faiz bəndi çox), 38,8 %-i qismən təminatlı (0,6 faiz bəndi çox), 16,2 %-i təminatsız (3,2 faiz bəndi az), orta sahibkarlıq subyektlərinin kreditlərinin 47,1 %-i tam təminatlı (0,4 faiz bəndi az), 33,3 %-i qismən təminatlı (0,1 faiz bəndi çox), 19,6 %-i təminatsız (0,3 faiz bəndi çox) olub, kiçik sahibkarlıq subyektlərinin kreditlərinin 52,4 %-i tam təminatlı (1,8 faiz bəndi az), 26,4 %-i qismən təminatlı (0,9 faiz bəndi çox), 21,2 %-i təminatsız (0,9 faiz bəndi çox), mikro sahibkarlıq subyektlərinin kreditlərinin 35 %-i tam təminatlı (3,3 faiz bəndi az), 18,5 %-i qismən təminatlı (0,5 faiz bəndi az), 46,5 %-təminatsız (3,8 faiz bəndi çox) olub.

Oxşar xəbərlər

Azərbaycanda istehlak kreditlərinin orta illik faiz dərəcəsi açıqlanıb

Azərbaycan banklarında kredit və depozit portfelləri üzrə dollarlaşma azalıb

“Samsung” Azərbaycanın planşet bazarındakı payını itirir

“Samsung”un Azərbaycanın mobil cihaz bazarındakı payı 4-cü aydır azalır

Azərbaycanın mobil cihaz bazarında “Samsung”un payı azalmaqda davam edir