Azərbaycanla İran “Şimal-Cənub” dəhlizinin tamamlanmasını sürətləndirməyə razılaşıblar.

“Sizinxeber.az” IRNA-ya istinadən xəbər verir ki, bu barədə razılıq Azərbaycan və İranın Birgə İqtisadi Komissiyasının 16-cı iclasında əldə olunub.

İranın yol və şəhərsalma naziri Fərzanə Sadiq iclasda bildirib ki, "Şimal-Cənub" dəhlizi ölkənin ən mühüm tranzit marşrutlarından biridir və burada Rəşt-Astara hissəsi əsas rol oynayır.

Onun sözlərinə görə, Rusiya və İran arasında yerləşən Azərbaycan üç ölkə arasında yükdaşımalarda strateji mövqe tutur. Bu məsələdə tam qarşılıqlı anlaşma dəhliz layihəsinin inkişafına və tamamlanmasına kömək edir.

Qeyd edək ki, üçillik fasilədən sonra keçirilmiş iclasda tərəflər preferensial ticarət, avtomobil və dəmir yolu daşımaları, həmçinin ölkələr arasında aviareyslərin sayının artırılması haqqında bir sıra sazişlər imzalayıblar. Həmçinin qeyd edilib ki, bu layihənin tamamlanması 15 milyon ton tranzit həcminə çatmağa imkan verəcək.

Görüşdə İran və Azərbaycanın dəmir yolu qurumları arasında Astarada dəmir yolu terminalının tikintisinin tamamlanması haqqında saziş də imzalanıb ki, bu da “Şimal-Cənub” dəhlizinin reallaşdırılması yolunda mühüm addım olacaq.

Oxşar xəbərlər

Şahin Mustafayev Tehranda İranın yol və şəhərsalma naziri ilə görüşüb [xfgiven_updateblue][/xfgiven_updateblue]

Azərbaycan, İran və Rusiya arasında nəqliyyat sahəsi üzrə üçtərəfli görüş Moskvada keçiriləcək [xfgiven_updateblue][/xfgiven_updateblue]

Rusiya, Azərbaycan və İran arasında nəqliyyat sahəsində üçtərəfli görüşün vaxtı açıqlanıb [xfgiven_updateblue][/xfgiven_updateblue]

ADY: Astara terminalının inşası yükaşırmanı 4 milyon tona çatdıracaq [xfgiven_updateblue][/xfgiven_updateblue]

Rusiya və İran “Şimal-Cənub” nəqliyyat dəhlizini fəal şəkildə inkişaf etdirmək barədə razılığa gəlib [xfgiven_updateblue][/xfgiven_updateblue]