Azərbaycan Yerüstü Nəqliyyat Agentliyi (AYNA) Bakı şəhərində mikromobillik infrastrukturunun inkişaf etdirilməsi məqsədilə 20 km məsafəni əhatə edən mikromobillik zolağı təşkil edib.

Bu barədə "Sizinxeber.az-Economics"ə AYNA-dan bildirilib.

Görülən işlər çərçivəsində əlçatanlığın təmin edilməsi üçün panduslar inşa olunub, təhlükəsizlik məqsədilə yol nişanları quraşdırılıb, müvafiq nişanlanma işləri aparılıb və mövcud işıqforlarda 25 velosiped bölmələri quraşdırılıb.

Bundan başqa, digər nəqliyyat vasitələrinin mikromobillik zolaqlarına daxil olmasının qarşısını almaq və mikromobillik istifadəçilərinin təhlükəsizliyini təmin etmək üçün “bufer zonalar”da 1160-dən çox təhlükəsizlik səddi çəkilib.

Həmçinin 48 məntəqədə mikromobillik vasitələri üçün parklanma yerləri də təşkil edilib.

Oxşar xəbərlər

Zərifə Əliyeva küçəsində zolaqlar standartlara uyğunlaşdırılaraq yenilənib

Son iki həftə ərzində Bakının 86 küçə və prospektində nişanlanma işləri görülüb

Bakının Şərifzadə küçəsində xüsusi avtobus zolağı təşkil edilib

AYNA: Yol hərəkətinin təşkilində innovativ yanaşma tətbiq edilir

AYNA Xocalı prospektində narazılıq yaradan nişanlanma xətlərində dəyişiklik edib