Muğanlı–İsmayıllı avtomobil yolunun mühafizə (təhlükəsizlik) zolağında baş vermiş torpaq sürüşməsi yolun hərəkət hissəsinə ziyan vurmayıb.

Bu barədə "Sizinxeber.az"un sorğusuna cavab olaraq Azərbaycan Avtomobil Yolları Dövlət Agentliyindən (AAYDA) bildirilib.

Məlumata görə, aparılmış ilkin vizual və texniki baxış zamanı müəyyən edilib ki, sürüşmə nəticəsində yolun əsas konstruktiv elementlərinə və örtük qatına ziyan dəyməyib, həmçinin yolun daşıyıcı qabiliyyətində və istismar göstəricilərində hər hansı mənfi dəyişiklik qeydə alınmayıb.

Mövcud vəziyyətlə bağlı aidiyyəti qurumlara operativ tapşırıqlar verilib. Sürüşmənin səbəblərinin aradan qaldırılması və potensial risklərin minimuma endirilməsi istiqamətində zəruri mühəndis-texniki tədbirlərin həyata keçirilməsi planlaşdırılır.

Qısa müddət ərzində ərazidə bərpa və möhkəmləndirmə işləri başa çatdırılacaq.

Oxşar xəbərlər

AAYDA: Qubada qaya parçaları yoldan kənarlaşdırılır, qısa müddətdə hərəkət bərpa olunacaq

Qubada qaya parçalarının düşməsi səbəbindən bağlanan yolda hərəkət tam bərpa edilib - YENİLƏNİB

Muğanlı-İsmayıllı-Qəbələ yolunda görülən işlərlə bağlı media-tur təşkil olunub - FOTO