"OPEC+" razılaşmasının iştirakçısı olan səkkiz ölkə may ayından etibarən gündəlik neft hasilatının 411 min barel artırılması barədə qərar qəbul edib.

“Report” xəbər verir ki, bu barədə OPEC-in məlumatında bildirilib.

Həmçinin gündəlik 2,2 milyon barel həcmində neft hasilatı ilə bağlı qüvvədə olan məhdudiyyətlərin aradan qaldırılmasının sürətləndirilməsi barədə qərar qəbul edilib.

OPEC-dən bildirilib ki, bu daimi artım dəyişən şəraitdən asılı olaraq dayandırıla və ya ləğv edilə bilər, çeviklik isə iştirakçı ölkələrə hasilatın azaldılmasındakı kəsirin kompensasiyasını tezləşdirməyə imkan verəcək. Səkkiz ölkənin növbəti görüşü mayın 5-nə planlaşdırılıb.

Yeni plana əsasən, Rusiyanın may ayı üçün kvotası gündəlik 9,083 milyon barel, Səudiyyə Ərəbistanının kvotası isə 9,2 milyon barel təşkil edəcək.

Oxşar xəbərlər

OPEC oktyabrda Azərbaycanda gündəlik neft hasilatının həcmini açıqlayıb

Azərbaycan fevralda "OPEC+" kvotasından gündəlik 75 min barel geri qalıb

IEA: Azərbaycan yanvarda “OPEC+” kvotasından gündəlik 70 min barel geri qalıb

“OPEC plus”un 8 ölkəsi neft hasilatı ilə bağlı siyasəti müzakirə edəcək

Azərbaycanda gündəlik neft hasilatı 569 min barel təşkil edib