Bolqarıstan qaz tədarükü problemini Azərbaycanın sayəsində qismən həll edib.

“Sizinxeber.az” xəbər verir ki, bunu Bolqarıstan Prezidenti Rumen Radev yerli KİV-ə müsahibəsində ölkəsinin qaz idxalı məsələsində Azərbaycanın rolunu vurğulayaraq, deyib.

“Bolqarıstan Azərbaycandan tədarükün artırılması hesabına qaz idxalı problemini qismən həll edib. Lakin biz hələ də Rusiya qazını svop əməliyyatları və ya vasitəçilər vasitəsilə almağa davam edirik”, – R.Radev bildirib.

Onun sözlərinə görə, hazırda Bolqarıstan mayeləşdirilmiş təbii qaz idxal etmir.

Qeyd edək ki, 2024-cü ildə Azərbaycandan Bolqarıstana 2 milyard kubmetr təbii qaz tədarük edilib. Bu, 2023-cü illə müqayisədə (1,25 milyard kubmetr) əhəmiyyətli artım deməkdir. Ölkənin illik qaz tələbatı isə 3 milyard kubmetrdən çoxdur.

Oxşar xəbərlər

Bolqarıstan Prezidenti Rumen Radev Azərbaycan xalqına başsağlığı verib

Azərbaycan Prezidenti İlham Əliyevin Bolqarıstan Prezidenti Rumen Radev ilə təkbətək görüşü olub

Bolqarıstan Prezidenti: İnanıram ki, belə tədbirlərlə iqlim gündəliyində irəliləyə bilərik

Azərbaycandan Avropaya 9 milyard kubmetrdən çox qaz ixrac olunub

Bu il Azərbaycandan Avropaya 12 milyard kubmetrə yaxın qaz ixrac olunub